فهد العباري
05-28-2010, 11:56 AM
السلام عليكم ورحمة الله وبركاته
صباح / مساء . . . جميل على الجميع
أتشرف بالإنظمام لهذا الصرح الراقي
شاعر بسيط أكتب بقلم ربما ينال بعض من إستحسانكم
تلقيت كرم الدعوه من الشاعره // أميره التركي
حبيت اصافحكم بإحدى قصائدي تقبلوها كما هي
:Morvn41:
الألــفــيــّـه
ألف ٍ:أسوق مع الهبايب سلامي=ألفية ٍ من قلب عاشق وضامي
تحكي عن حدود الغلا والغرامي=في حب من تزهى الشعر والكتابه
والباء:بنات الفكر لأجلك هدايا=ياام العسل من بين حلو الشفايا
ضمتك ياكل الحلا هي دوايا=روفي بقلب ٍ يشتكي لك صوابه
والتاء:تبين مع جزيل المعارف=غصنك عن أغصان الجميلات وارف
ياعملتن ماتدخرها مصارف=زينك ترى مايعترف بالتشابه
والثاء :ثلاث اشياء تعشق عيونك=عيوني الثنتين وقلب ٍ يصونك
لو حاولو هالخلق ماياصلونك=ياسكره ياقابله للإذابه
والجيم :جندت القوافي فحبك=يللي جروحي ماتبي غير طبك
مجرى غلا في وسط روحي مصبك=وأصفى من حقوق المطر فالسحابه
والحاء :حلاوة هالعمر في لقاكم=وأعظم ملذاته أحس ب غلاكم
كل الحياه تزين لحظة رضاكم=اذا رضيتو زاد كوني رحابه
والخاء:خذيتي بالدلع كل حاجه=والقلب أعلن في هواك إنتهاجه
قانع ولا دورّ معك وش خراجه=لو تهلكينه يستلذ بعذابه
والدال :دوّنت لعيونك قصايد=مثايل ٍ ماتنوخذ بالزهايد
أغلى من سلوم العرب والعوايد=في عين بدو ٍ يطربون الربابه
والذال:ذقت من المحبه شهدها=وسلمت روحي فدوة ٍ وسط يدها
أحيا بها والموت ظني بعدها=من دونها تصبح حياتي كئآبه
والراء :رماني هالقدر دون مدري=وأستوطنت بالعشق في وسط صدري
شمس الغرام اللي اشرقت صبح بدري=أدعي عسى الله مايعجل ذهابه
والزاء :زرعت الورد من شان عينه=وعشقت لمسه مثل عشقي ل يدينه
تسلب نعومة ملمس الياسمينه=زود ٍ على هالزين حسن الذرابه
السين :سعد اللي تجي له حليله=ويعيش معها العمر واللي بقي له
مثل القمر تظهر وسط كل ليله=يلبس غلاها مثل ملبس ثيابه
والشين :شلته بالوفا وسط عيني=وصارت كما الشمعه تضوّي سنيني
تلقى بها نفسي دفاي وحنيني=ويلقى بها الإحساس فن الخطابه
الصاد:صورتها تزين خيالي=أم الحلا وإم الدلع والدلالي
هي جوهره ماتنشرى بالريالي=و من حبها تصبح غذاه وشرابه
والضاد:ضامي وكثر شوقي ضناني=جلست اسولف عن غلاك لحناني
قال اوصفه ثم قلت وصفه عصاني=ترف وغريب وفي وصوفه غرابه
والطاء:طبيعي لو حبيبي تجبّر=وعاند ميولي ثم طغى في تكبّر
مالي جدى ياكود كثر التصبّر=لو الصبر حمل ٍ على من مشابه
والظا:ظلام الليل موحش سكونه=ماغير اهوجس وأتغنى لحونه
وشلون يرضى لي حياة ٍ بدونه=وانا سؤال و وصلنا له اجابه
العين:عن غيره صرفت النظر صرف=تعمى وتشقى كان لدت لهم طرف
اغرف قصيدي من وسط بحرها غرف=هي ملهمه وإلهامها مرحبابه
والغين:غيري من حلاها تودد=لكن عصيّه دون غيري تصدد
مهرة وفاء و خصالها ماتعدد=ياجعل عذالي فدايا ترابه
الفاء:فرقها الله عن كل مزيون=وخلا الصبايا من حلاها يغيرون
إن حاولن تقليدها مايجيدون=هي للجمال العذب خلقت صبابه
والقاف:قادتني هبوب الهبايب=وأصبحت ياهل الحب مغرم ذايب
بين الضلوع العوج تنهب نهايب=حتى غدى هالقلب مايندرابه
الكاف:كم مره تذوقت ريقه=وشميت عطره وإحتضني رحيقه
انا غريق وخابر انُها غريقه=في عالم ٍ بالحب فيه إنجذابه
اللام :لو تجفى ترى ماجفيتك=وشلون أبجفى وأنت بالقلب بيتك
ولو يرخصونك ياغلاتي شريتك=يانور عين إللي ضياك إقتدى به
الميم:من شفته وانا فيه مسحور=و من يعرفه مالامني قال معذور
أجمل بشر مدري تواصيفها حور=أم الدلع والطيب وأم النجابه
النون :نهديها من الشعره دره=مضمونها نعشقك ألفين مره
ياجعلني دونك ودون المضره=وفال السعد فوقك يزيد إنسكابه
الهاء:هواها ماتسعه الأراضي=ومقدارها ثقل الجبال العراضي
كن حبها في مهجتي أفتراضي=أغلق عليها صادق الحب بابه
الواو:ورده والبني حولها شوك=تملك على عرش الحلآ عقد وصكوك
وإذا حكت ياعقاب هذا بلى أبوك=في صوتها أنغام يحلى الغنى به
الياء:يالولا حبها ماقصدنا=ولا بذ من نظم القوافي جهدنا
تمت وهذي قطرة من شهدنا=في حب من تزهى الشعر والكتابه
:Morvn41:
صباح / مساء . . . جميل على الجميع
أتشرف بالإنظمام لهذا الصرح الراقي
شاعر بسيط أكتب بقلم ربما ينال بعض من إستحسانكم
تلقيت كرم الدعوه من الشاعره // أميره التركي
حبيت اصافحكم بإحدى قصائدي تقبلوها كما هي
:Morvn41:
الألــفــيــّـه
ألف ٍ:أسوق مع الهبايب سلامي=ألفية ٍ من قلب عاشق وضامي
تحكي عن حدود الغلا والغرامي=في حب من تزهى الشعر والكتابه
والباء:بنات الفكر لأجلك هدايا=ياام العسل من بين حلو الشفايا
ضمتك ياكل الحلا هي دوايا=روفي بقلب ٍ يشتكي لك صوابه
والتاء:تبين مع جزيل المعارف=غصنك عن أغصان الجميلات وارف
ياعملتن ماتدخرها مصارف=زينك ترى مايعترف بالتشابه
والثاء :ثلاث اشياء تعشق عيونك=عيوني الثنتين وقلب ٍ يصونك
لو حاولو هالخلق ماياصلونك=ياسكره ياقابله للإذابه
والجيم :جندت القوافي فحبك=يللي جروحي ماتبي غير طبك
مجرى غلا في وسط روحي مصبك=وأصفى من حقوق المطر فالسحابه
والحاء :حلاوة هالعمر في لقاكم=وأعظم ملذاته أحس ب غلاكم
كل الحياه تزين لحظة رضاكم=اذا رضيتو زاد كوني رحابه
والخاء:خذيتي بالدلع كل حاجه=والقلب أعلن في هواك إنتهاجه
قانع ولا دورّ معك وش خراجه=لو تهلكينه يستلذ بعذابه
والدال :دوّنت لعيونك قصايد=مثايل ٍ ماتنوخذ بالزهايد
أغلى من سلوم العرب والعوايد=في عين بدو ٍ يطربون الربابه
والذال:ذقت من المحبه شهدها=وسلمت روحي فدوة ٍ وسط يدها
أحيا بها والموت ظني بعدها=من دونها تصبح حياتي كئآبه
والراء :رماني هالقدر دون مدري=وأستوطنت بالعشق في وسط صدري
شمس الغرام اللي اشرقت صبح بدري=أدعي عسى الله مايعجل ذهابه
والزاء :زرعت الورد من شان عينه=وعشقت لمسه مثل عشقي ل يدينه
تسلب نعومة ملمس الياسمينه=زود ٍ على هالزين حسن الذرابه
السين :سعد اللي تجي له حليله=ويعيش معها العمر واللي بقي له
مثل القمر تظهر وسط كل ليله=يلبس غلاها مثل ملبس ثيابه
والشين :شلته بالوفا وسط عيني=وصارت كما الشمعه تضوّي سنيني
تلقى بها نفسي دفاي وحنيني=ويلقى بها الإحساس فن الخطابه
الصاد:صورتها تزين خيالي=أم الحلا وإم الدلع والدلالي
هي جوهره ماتنشرى بالريالي=و من حبها تصبح غذاه وشرابه
والضاد:ضامي وكثر شوقي ضناني=جلست اسولف عن غلاك لحناني
قال اوصفه ثم قلت وصفه عصاني=ترف وغريب وفي وصوفه غرابه
والطاء:طبيعي لو حبيبي تجبّر=وعاند ميولي ثم طغى في تكبّر
مالي جدى ياكود كثر التصبّر=لو الصبر حمل ٍ على من مشابه
والظا:ظلام الليل موحش سكونه=ماغير اهوجس وأتغنى لحونه
وشلون يرضى لي حياة ٍ بدونه=وانا سؤال و وصلنا له اجابه
العين:عن غيره صرفت النظر صرف=تعمى وتشقى كان لدت لهم طرف
اغرف قصيدي من وسط بحرها غرف=هي ملهمه وإلهامها مرحبابه
والغين:غيري من حلاها تودد=لكن عصيّه دون غيري تصدد
مهرة وفاء و خصالها ماتعدد=ياجعل عذالي فدايا ترابه
الفاء:فرقها الله عن كل مزيون=وخلا الصبايا من حلاها يغيرون
إن حاولن تقليدها مايجيدون=هي للجمال العذب خلقت صبابه
والقاف:قادتني هبوب الهبايب=وأصبحت ياهل الحب مغرم ذايب
بين الضلوع العوج تنهب نهايب=حتى غدى هالقلب مايندرابه
الكاف:كم مره تذوقت ريقه=وشميت عطره وإحتضني رحيقه
انا غريق وخابر انُها غريقه=في عالم ٍ بالحب فيه إنجذابه
اللام :لو تجفى ترى ماجفيتك=وشلون أبجفى وأنت بالقلب بيتك
ولو يرخصونك ياغلاتي شريتك=يانور عين إللي ضياك إقتدى به
الميم:من شفته وانا فيه مسحور=و من يعرفه مالامني قال معذور
أجمل بشر مدري تواصيفها حور=أم الدلع والطيب وأم النجابه
النون :نهديها من الشعره دره=مضمونها نعشقك ألفين مره
ياجعلني دونك ودون المضره=وفال السعد فوقك يزيد إنسكابه
الهاء:هواها ماتسعه الأراضي=ومقدارها ثقل الجبال العراضي
كن حبها في مهجتي أفتراضي=أغلق عليها صادق الحب بابه
الواو:ورده والبني حولها شوك=تملك على عرش الحلآ عقد وصكوك
وإذا حكت ياعقاب هذا بلى أبوك=في صوتها أنغام يحلى الغنى به
الياء:يالولا حبها ماقصدنا=ولا بذ من نظم القوافي جهدنا
تمت وهذي قطرة من شهدنا=في حب من تزهى الشعر والكتابه
:Morvn41: